موضوعي اليوم غييير شكل

لأني راح اذكر لكم موقف حصل لي اليوم ولا أحلى

بدأ الموقف اليوم الخميس الساعه10 صباحا

رحت مع بنت خالي ريم  مكتبة جامعة أم القرى اللي في العابدية تبغى منها كتب عشان الماستر ،وبالقوة صحيت لأني مانمت إلا متأخر

المهم ضربنا مشواااااااااار أكتر من نص ساعة على مانوصل ،وتخيلوا وصلنا وجينا ندخل لقينا المكتبة مقفلة مافي اليوم<<قمة القهررررررررررررررر يعني طار النوم عالفاضي

المهم وإحنا راجعين ريم كان  نفسها في حمر، قلت لها: ماأظن نلاقيه إلا في السوبر ماركت

قالت: طيب نروح قلت: خلاص ندخل السوبر ماركت اللي في الضيافة اقرب شي،

 وإحنا داخلين جاني اتصال ومن الرجة وأنا أتكلم دخلنا من بوابة الخروج والرجال يطالعوا فينا أشبهم دول الناس؟؟خخخخخخخ

وندور زي جحا عالحمر رايحين جايين رايحين جايين بس  مالقيناه

وتخيلوا وأنا ماشيه وبنت خالي ورايا ما أسمع إلا البنت ميته على نفسها ضحك أقولها أش فيه ؟تقولي طالعي وراكي ولمن أطالع حزروا أش لقيت؟؟؟؟؟؟

ههههههه لقيت البكله حقتي في الأرض خخخخخخخخ طاحت من شعري<<من كثر النعووووووومه

وأنا لاتدوريني رايحه فيها

قلت يابنت خلينا نروح نأخذ شيبسات وحلويات،  بس أخذنا اللي نبغاه وإحنا رايحين نحاسب حسيت نفسي بموت ضحك على أشكالنا اقول لريم  شوفي أشكالنا كل وحده شايله في يدها برينجلز حجم عائلي  وحلويااااااات، و من الرجة ماأخذنا عربية أو سلة، شكلنا كان زي الأطفال الصغار حتى الكاشير أحسه يقول في نفسه

من أي قرية جايين هدولا الناس ؟ أول مره يشوفوا شيبسات؟مايعرفوا اختراع اسمه سله أو عربية يحطوا فيها

؟؟؟هع هع هع

المهم حاسبنا ورجعنا البيت

بس بصراحة موقف لا نحسد عليه ولا أش رأيكم؟؟؟

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

يلا أتحفونا بمواقف مضحكة صارت لكم