انتهيت اليوم من محاضرتي ونزلت الكافتريا اقابل صحباتي واسلم عليهم ،المهم قابلتهم وسلمت عليهم وحطيت شنطتي

 عندهم ؛عشان بروح اسلم على مجموعة تانية ،رحت للتانين وسلمت عليهم وجلست معاهم شويه، في هذا الوقت شفت وحد

ه غريبة جالسة مع المجموعة الاولى جنب شنطتي، اتوقعتها صاحبة وحده من البنات شويه قامت وراحت لمجموعه تانية

 شويه وقامت ،انا ماحطيت في بالي ومااهتميت لها ، بعدها قمت ابغى اشتري من الكافتريا ،افتح الشنطة ادور المحفظة مافي

 ،يمين يسار مافي،صحباتي يدورو في شنطهم في المكان اللي جالسين فيه برضو مااافي ،فجاة اختفت المحفظة، شكيت في نفسي قلت يمكن طاحت مني وانا ماشية ،رحت ادور برضوا ماااااااافي ، اضطريت في النهاية اني اروح للعمادة وابلغ

 عنها ،وفي لحظة دخولي لقيت وحده من المجموعه 3 برضوا انسرقت محفظتها في نفس المكان المهم بلغنا ورحت

، المحفظة تحتوي على مايلي(بطاقة الجامعة-بطاقة الصراف-3صور شخصية-111ريال -وحاجات تانيه)من ناحية البطاقة

 اتصلنا عالبنك وعطلنا بطاقة الصراف ،أما بطاقة الجامعه اخذت افادة من قسمي عشان ادخل بيها الجامعه ،لكن اللي صدمني

 هو كيييييييييييف تتجرأ هذي البنت وتمد يدها على اشياء غيرها؟كيف تسمح لنفسها انها تاخذ شي مو حقها؟ولاهوا حلال

 عليها؟يعني ماتعرف انو هذي سرقة؟ولاالموضوع عادي بالنسبة لها؟والادهى والامر كييييييف تسرق في اطهر ارض في مكة

 اللي الكل يعرف حرمتها ومضاعفة الذنوب فيها؟هذا غير دعوات البنات االمظلومات عليها ،لكن مااقول غير حسبي الله عليه

ا والله يهديها لنفسها ويرجع لي محفظتي سالمة غانمة *اللهم اني استودعك اياها * هذا موقف بس وغيروا كتييييييييييييير

 ،حدث ولاحرج عن سرقات الجامعه بس الله يسلمنا منهم